|
 |  |  |  |
 |  |  |  |  |  |  |
|
LA PAJINA DJUDEO-ESPANYOLA
El sitio de Internet "La Pajina Djudeo-espanyola", ke viene de ser kreado por "Sefarad - Asosiasion para la Konservasion i Promosion del Ladino i su Kultura”, trae informasion sovre los prinsipales faktores, en Israel i otros paizes mas, ke se okupan aktivamente de la kultura djudeo-espanyola, ansi ke sovre la revista Aki Yerushalayim – ke kumplio ultimamente 25 anyos de lucha para el futuro de esta kultura.
Ay tambien una lista de “links” kon organizmos sefaradis ke se okupan de la kultura djudeo-espanyola, un katalogo de los livros, revistas i diskos ke pueden ser merkados de la “Libreria Sefarad”, i enfin, una seleksion de los artikolos publikados en los 2 ultimos numeros de Aki Yerushalayim - los Nos 75 i 76. Los interesados pueden aprovecharlos para sus estudios, investigasiones o mizmo livros i artikolos - kon la sola kondision de mensionar ke fueron tomados de la revista Aki Yerushalayim.
Eskrividmos, (por e-mail al adreso judeospa@trendline.co.il, o bien por la posta al adreso <POB 8175 Yerushalayim 91080 Israel>), ke pensash de esta pajina i si tenesh remarkas o propozisiones para mijorarla. Ayudadmos tambien a promover la difuzion de la revista Aki Yerushalayim, en informando de su existensia a vuestros amigos i konosidos ke tienen intereso en la kultura djudeo-espanyola i keren djuntarsen al esforso para mantenerla i no desharla despareser.
Moshe Shaul
Direktor de "Aki Yerushalayim"
|
